THE GHAIST

Frae: R. De Bruce Trotter, Galloway Gossip (1901), p. 306

HE didna tak lang tae get tae Auchencairn, A can tell ye; an he up the stair intae B—s’ parlour afore he drew breath. An whut a fley he gat there! There ar the table, sittin drinkin toddy, wus the ghaist o’ Mr B—s, wi S—m H—y aside him, an lookin as comfortable an happy as if he wus still in the flesh.

A robber wus plenty for puir G—e, but a ghaist wus ower muckle, sae he turn’t up the whites o’ his een, an swarf’t wi perfect horror, an feel a’ in a cluther in the middle o’ the floor.

Whun he cam oot o’ the dwam, the first thing he notice’t wus the ghaist on its knees aside him, thrang pourin the het whuskey toddy doon his hass. It sune brocht him to, an B—s explain’t tae him yt he wusna a ghaist ava, but an ordinary mortal like hissel. He tell’t him yt whun the robber fire’t at him he miss’t him, but he fell an pretendit tae be shot; an as sune as the robber gaed tae chase G—e, he ower the dyke an aff, an wun hame afore him.

He forgat, hooever, tae tell him yt H—y wus the robber, an the haill ploy wus made up aforehan; an sae G—e believe’t the haill affair wus real, an use’t tae relate his fearfu experiences wi the robber at Orroland tae mae nor yin yt ken’t mair aboot it nor him.

ANOTHER KIN’ O GHAIST

G—E AN THE ROBBER

Partial Glossar

Definitions frae DSL (links are tae the relevant entries).

  • Fley ‘A fright, a scare.’ [FLEY]
  • Swarf ‘To faint, to swoon.’ [SWARF]
  • Cluther ‘A heap.’ [CLUTHER]
  • Dwam ‘A swoon, a faint.’ [DWAM]
  • Thrang ‘Of persons (or animals): fully employed in any task or affair, actively and pressingly occupied in work, busy.’ [THRANG]
  • Hass ‘The throat, the gullet.’ [HAUSE]
  • Ava ‘At all.’ [AVA]
  • Wun ‘To reach (a place), gain, arrive at.’ [WIN]
  • Mae ‘More in number.’ [MAE]