Frae: R. De Bruce Trotter, Galloway Gossip (1901), pp. 127-128
A HANTLE o’ the cures needit rhymes – or words o’ some kin’ – yt had tae be said ower whun the chairm wus bein put on; but they wur ey verrra carefu no tae say them yt a buddy could mak oot the words richt; A suppose for fear they wud learn them an work the spell theirsels.
There’s only twa or three yt A ever heard the words o’.
Here’s yin yt yin o’ my sons got fae an aul’ buddy at Kirkmichael, in the Water o’ Æ.
It wus for stopping bluid whun onybuddy wus woundit. They put a Taedstane on the wound an said:-
The water’s mud, an rins afluid,
Ane sae dis they bluid.
God bad it stan, an so it did.
In the name o’ the Father, Son, an Holy Ghost
Definitions frae DSL (links are tae the relevant entries).
Hantle ‘A considerable quantity (of things), a large number (of persons), a great deal.’ [HANTLE]
Buddy ‘A human being, a person.’ [BODY]
Taedstane ‘A stone thought to come from the head of a toad, and used as an amulet.’ [TAID]