TAE MEN’ BROKEN BANES

Frae: R. De Bruce Trotter, Galloway Gossip (1901), p. 128

BROKEN banes wus men’t wi cantraips as weel.

There wus a spell yt aul’ Mey Sproat at Clachandolly, in Borgue, had for settin broken banes. She use’t tae pu the brokken spaul wi the yae han’, an stroke it up an doon wi the ither, an say:-

                Esau rade an he slade;

                                First he lichtit,

                                Syne he richtit.

                Knuckle tae knuckle, bane tae bane;

                Join i’e Haly Ghost’s name.

If the joint wus oot it gaed in wi a crack; an if the bane wus brokken the en’s gaed thegither, an she put twa splinters o’ moss fir on for scobes, an bandaged’t it up. She open’t it up every nine days till it was haill.

TAE FIN’ A THIEF

TAE STOP BLUIDIN

Partial Glossar

Definitions frae DSL (links are tae the relevant entries).

  • Cantraip ‘A charm, spell, incantation; magic.’ [CANTRIP]
  • Spaul ‘A limb in gen.’ [SPAUL]
  • Scobe ‘A slat of wood used as a splint for broken bones.’ [SCOB]