Frae: R. De Bruce Trotter, Galloway Gossip (1901), p. 286

THERE wus a lute Yt he try’t verra hard tae get, whun he wus a young lad, frae the falla yt bocht it, but he didna manage’t, an he ey had a grudge ower’t.

Queen Mary left it ahint her whun she stey’t at the K-e on her flicht tae Englan efter Langside.

E-d G-n sell’t ti for a shillin tae another lad at the skukle.

A canna min his name, though A think it wus Fallas; but, hooever, he took it hame, an they took the tap aff’t, an the strings, an use’t it for a kin’ o’ laidle tae serve the swine-meat wi; but it didna last lang – it cam a’ tae bits. A think it maun ‘a’ been a mandolin, for a lute wud ‘a’ been nae use for a laidle.

They had a gran portrait o’ Queen Mary, too, thae folk; but it wud be ower big tae sell at  the skule, sae it’s maybe there yet.



Partial Glossar

Definitions frae DSL (links are tae the relevant entries).

  • Ahint ‘Behind.’ [AHINT]
  • Meat ‘Food in general, sustenance for men or animals; solid food as opposed to drink.’ [MEAT]
  • Maun ‘Must.’ [MAUN]