Frae: R. De Bruce Trotter, Galloway Gossip (1901), pp. 258-289
THERE’S heaps o’ traditions aboot Balloch Castle, but A’ll maybe tell ye them some ither time.
They say yt Donald the First, the king o’ the Scots, biggit the castle, but that’s verra unlikely. Deed, it’s no verra likely yt the meeserable Eerish craitur wus ever within a hunner mile o’t, or ony o’ his countrymen; for the Scots kings durstna come naur Gallawa till the time o’ Malcolm the Fourt, whun the Papist clergy betray’t it inta his hans, cause he wus a Papist like theirsels.
But onywey, they say yt Donald leeve’t there, an yt him or yin o’ his dochters biggit the present castle; she haes been a gran’ mason if she did.
Another yin yt they ca’t Mirren or Marion, gaed awa tae Maybole an biggit a castle there, an ca’t it “May-bole,” efter herself, – “May,” the familiar for “Marion,” and “bole,” a hole in a wa’.
Ye see there had tae be a wa’ afore there could be a hole in’t.
Definitions frae DSL (links are tae the relevant entries).