KILWINNING

Frae: R. De Bruce Trotter, Galloway Gossip (1901), pp. 260-261

VERRA curiously, they hae joost sic another haverin tradition aboot Kilwinnin.

They say the Scots got an awfu lickin frae the Danes – they wur ey getting lickins fae thae Danes, A’m thinkin – an efter the battle the Danes got fu, an gaed tae sleep in Kilwinnin Aibbey.

Some o’ the Scot crap up through the nicht, tae surprise them, an kill them whun they wur sleepin; an the yin said till the ither, “Hoo are we tae wun in tae the Aibbey bye a’ thae guairds?”

“O!” says the ither, “do as A did; kill an win in.”

An they ca’t it “Kill-an-win-in” ever efter.

Of coorse everybuddy kens yt it means the kil or kirk o’ yin o’ the aul’ Eerish saunts. But thae’s Ayrshire yins.  A maun keep tae Gallawa.

CASTRAMONT

DALMELLINGTON

Partial Glossar

Definitions frae DSL (links are tae the relevant entries).

  • Sic ‘Such’ [SIC]
  • Haverin ‘Nonsensical, gossiping, babbling, garrulous.’ [HAIVER]