Frae: R. De Bruce Trotter, Galloway Gossip (1901), pp. 283-284
A DINNA ken whether it wus Lord John yt inventit the tradition o’ the boarstickin or no; but A’m incline’t tae believe he had something a’ do wi the cuttin the tongue oot o’t; for in his time the boars’ heids on the Kenmur Airms wus pentit wantin tongues, an if A’m no mistaen, it wus the same on his cairiage.
A wunner gin the nordern Gordons haes the same tradition.
Everybuddy kens yt they ca’t the family Gordon or ever they wur chase’t oot o’ Englan intae the Merse; aye! an afore they left France tae come tae Englan for stableboys an ostlers tae some o’ the cut-throat ragabrash yt helpit William the Conqueror, whun he dung “the great Anglo-Saxon Race” inta sleishoch, an conquer’t the haill o’ Englan wi thirty thoosan meeserable mongrel Frenchmen.
Definitions frae DSL (links are tae the relevant entries).
- Stick ‘To stab, to thrust a knife or sword into, freq. in reference to the slaughter of animals, to finish off, “do for”.’ [STICK]
- Gin ‘If.’ [GIN]
- Or ‘Before.’ [OR]
- Osler ‘A stableman.[ [HOSTLAR]
- Ragabrash ‘Good-for-nothing.’ [RAGABRASH]
- Ding (past participle dung) ‘To knock, beat or strike: to drive; to push suddenly and forcibly; to displace or overturn by shoving.’ [DING]
- Sleishoch ‘A dish composed of sliced potatoes grilled; fig.,“mincemeat”, a thousand pieces.’ [SLEESH]