Frae: R. De Bruce Trotter, Galloway Gossip (1901), p. 238

IT wus a serious maitter gaun tae America in thae days; no muckle better nor transportation. Deed! it’s no sae verra lang sin’ folk use’t tae kidnap onybuddy they wantit ott o’ the road, an sen’ them oot tae Aemerica or the West Indies an sell them for slaves, an that wus little better nor transportin them, for they har’ly ever cam back; only there wusna the disgrace.

Whun Pate Rabison fae the Spylan gaed tae Canada, it wus consither’t tae be no unlike deein an gaunt ae heaven, an everybuddy made a maen ower him an his wife – ye wud ‘a’ thocht they wur deid. They micht joost as weel ‘a’ been, for naebuddy wus likely ever tae see or hear tell o’ them again, even though they wun there, an that wusna verra certain, for the voage wus a lang an dangerous yin, an whiles took three months; an the accoonts o’ the icebergs wus something awsome; an the wey wheens o’ them wus roastit alive by the Indians whun they did get there wusna muckle better.



Partial Glossar

Definitions frae DSL (links are tae the relevant entries).

  • Maen ‘A cry of sorrow, grief or pain, a moan, a howl, an outcry, a lament, a mournful song, a dirge. Phr. to mak (amane, to lament, bewail, mourn.’ [MANE]
  • Wun ‘= Eng. get: (1) to make or find one’s way, to proceed, pass on, to succeed in arriving at some destination, freq. with the notion of surmounting obstacles on the way.’ [WIN]
  • Whiles ‘Sometimes, at times, occasionally.’ [WHILES]
  • Wheen ‘A few, a small number, several.’ [WHEEN]