Frae: R. De Bruce Trotter, Galloway Gossip (1901), pp. 272-273
WHUN Sir William Douglas got Causewey-en made intae a burgh toon in 1790 wi the name o’ Castle-Douglas, it had nae Provost, but joost a single Bailie, an A think three Cooncillors.
In coorse o’ time, efter they had stown awa the Kelton-Hill Fair, an ither things, the toon grew amazingly, an they took a notion tae hae a Provost too, tae be even wi Kirkcoobrie an New-Gallawa; an petition’t the Government, an manage’t tae get yin, and twa Bailies, an seven Councillors too, nae less.
Sae they had a great election for the provostship, an a gran ado; an Bailie Young got it, an wus their first Provost.
Yin o’ the local poets made a sang aboot it, of coorse, an it please’t them that weel yt they had it engross’t in the Burgh Records; an here it is, tae see whut ye think o’t. Maybe it wus John McGerran or Gerrond, as he gat tae ca’ hissel, but A’m no sure.
Definitions frae DSL (links are tae the relevant entries).
- Provost ‘The head of a Scottish municipal corporation or burgh, who is the civic head and chairman of the town or burgh council and the chief magistrate, the Scottish equivalent of a mayor.’ [PROVOST]
- Bailie ‘A municipal officer or magistrate, corresponding to the O.Sc. and Mod.Eng. alderman, next in rank to the Provost.’ [BAILIE]
- Stown ‘Stolen.’ [STEAL]