A MODEL FLOCK

Frae: R. De Bruce Trotter, Galloway Gossip (1901), pp. 332-333

DEED! the congregation wus little better nor the minister.

They use’t tae sit in the aul’ square pews, some wi their backs, an some wi their sides, an some wi’ their faces tae the minister; wi the Dumfries Courier or the Gallowa Register or some ither newspaper spread oot on the table afore them, studyin the markets, an the price o’ corn an barley an wheat, an stots an hoggs an swine-shotts, an things o’ that kin’; an the time o’ the prayer, whun everybuddy wus expectit tae be listenin wi their een steekit, they wur nifferin nowt, an swappin naigs, an selling sheep, an doin a’ the business they could in a quait wey. As for the minister an his prayer, they ken’t the thing wus a’ richt, an never heedit them.

Whun the kirk skail’t, they wud gang tae the whuskey-wife’s — for there wus ey a whuskey shop naur a kirk — an refresh’t theirsels till they harly ken’t hoo they wun hame.

It wus a blissin whiles yt their wifes could drive.

→A WEE MIRACLE

NO TAE BE BEAT

Partial Glossar

Definitions frae DSL (links are tae the relevant entries).

  • Stot ‘A young castrated ox, a steer, bullock, gen. one of the second year and upwards.’ [STOT]
  • Hogg ‘A young sheep from the time when it is weaned until it is shorn of its first fleece.’ [HOG]
  • Swine-shott ‘A young pig.’ [SWINE; SHOTT]
  • Steek ‘To close, shut, fasten; to close the eyes so as not to see.’ [STEEK]
  • Niffer ‘To exchange, barter, trade.’ [NIFFER]
  • Nowt ‘Cattle collectively, specif. cattle for fattening, oxen, steers and heifers.’ [NOWT]
  • Naig ‘A horse of any size or kind.’ [NAIG]
  • Skail ‘Of an assembly of persons in a school, church, factory, meeting, etc.: to break up, disperse, go their several ways.’ [SKAIL]
  • Wun ‘To reach (a place), gain, arrive at.’ [WIN]
  • Whiles ‘Sometimes, at times, occasionally.’ [WHILES]