A BIG SNAW

Frae: R. De Bruce Trotter, Galloway Gossip (1901), p. 387

THEY maun ‘a’ haen sair frosts in thae days, surely, for A never saw ocht like that in my time.

Hooever the doctor tell’t me yt whun he wus a boy there wus yae wunter yt the snaw wus that heavy, an wus driftit that wey, yt the main street o’ New Gallawa wus bury’t in the snaw, an there wus naething tae be seen but the reek comin oot o’ holes in the snaw whaur the lums wus. The folk had tae mak wee roads aneath the snaw frae yae door tae another till the toon wus joost like a rabbit warren. Of coorse the hooses wus a’ yae storey yins than.

RAEBERRY CASTLE

A PASPER GETHERER

Partial Glossar

Definitions frae DSL (links are tae the relevant entries).

  • Ocht ‘Anything.’ [OCHT]
  • Reek ‘Smoke.’ [REEK]
  • Lum ‘A chimney.’ [LUM]